Франција денеска излезе на „историски протест “ поради пензиската реформа.
Како што објавија синдикатите, во француските градови се очекуваат милион луѓе на улиците.
Огромен број демонстранти излегоа на улиците низ Франција денеска, на Меѓународниот ден на работниците, во услови на огромно незадоволство од реформите во пензискиот систем.
Претходно, откако беше донесена одлуката за зголемување на старосната граница за пензионирање од 62 на 64 години, Французите најавија „историски демонстрации“ за 1 мај.
На улиците има голем број полицајци, а фрлен е и првиот солзавец, како што објавија корисниците на социјалната мрежа Твитер.
Демонстрантите веќе ги кршат излозите на продавниците во Лион и се собираат во другите големи француски градови.
Според синдикатот, Французите имаат намера да го искористат, 1 мај, Денот на трудот, за да излезат на улица за да покажат дека не се откажале од борбата против владината пензиска реформа.
„Мислам дека ќе имаме стотици илјади демонстранти, можеби милион или половина милион“, рече шефот на синдикатот CFDT, Лоран Бергер. Тој додаде дека ќе има „300 средби“.
Властите проценуваат дека меѓу 500.000 и 650.000 луѓе би можеле да протестираат низ целата земја, вклучително и 80.000 до 100.000 во Париз.
„Секој може да оди и да демонстрира на овој празник“, рече Бергер.
