Мафијашките организации заработуваат 3,3 милијарди евра од туризмот во Италија, покажува истражувањето на институтот за испитување на јавното мислење „Демоскопика“, објавено денеска.
Прометот и профитот на мафијата ќе се зголемат следната година, јубилејна за Римокатоличката црква, откако милиони аџии се очекуваат во Рим и 2026 година, кога ќе се одржат Зимските олимписки игри на северот на земјата.
Според истражувањата, организацијата која најмногу профитира од туризмот е калабриската „Ндрангета“, која заработува повеќе од 1,6 милијарди евра годишно. Камора, која работи главно во Неапол и околниот регион Кампања, заработува повеќе од 950 милиони евра.
Организациите или поседуваат удели во хотели и ресторани или изнудуваат „пари за заштита“ од легитимни бизниси.
