Израел од денеска ќе ги прекинува воените операции секој ден по 10 часа во делови од Газа и ќе дозволи нови коридори за помош во енклавата, од каде што сликите на гладни Палестинци го вознемирија светот. Воените активности ќе престанат од 10 часот наутро до 20 часот по локално време, во Ал-Маваси, Деир ал-Балах и Газа Сити.
Војската, исто така, објави дека одредени безбедни рути за конвои што доставуваат храна и лекови ќе бидат воспоставени помеѓу 6 часот наутро и 23 часот почнувајќи од денеска, јавува Ројтерс.
Десетици жители на Газа починаа од неухранетост во последните недели. Вкупно 127 лица починаа од глад, вклучувајќи 85 деца, од почетокот на војната, објави Министерството за здравство на Газа.
Египетската Црвена Полумесечина соопшти дека во денеска се испратени повеќе од 100 камиони со над 1.200 метрички тони помош во храна во јужна Газа преку преминот Керем Шалом. Неколку часа претходно, Израел започна со воздушно исфрлање на помош во она што го нарече обид за ублажување на хуманитарните услови во енклавата.
Хуманитарните групи минатата недела соопштија дека имало масовен глад меѓу 2,2 милиони луѓе во Газа и дека меѓународната тревога за хуманитарната ситуација во Газа се зголемила, што ја поттикнало одлуката на францускиот претседател Емануел Макрон да изјави дека ќе ја признае палестинската држава во септември.
Израел и САД во петокот дека ги напуштија преговорите за прекин на огнот со Хамас, велејќи дека станало јасно дека милитантите не сакаат договор.
ОН минатата недела соопштија дека хуманитарните паузи во воените активности ќе овозможат зголемување на хуманитарната помош, додавајќи дека Израел не обезбедил доволно алтернативни рути за своите конвои, што го попречува пристапот до помошта.
