Алиса Али Ди (28) предизвика дебата на интернет кога откри дека нејзиниот сопруг Том (51) ѝ плаќа 100 евра неделно за да готви и да го чисти нивниот семеен дом. Парот се запознал во војска, каде што работеле заедно, а сега се во брак речиси три години и го очекуваат своето прво дете.
Во видеото, кое го објави на „Јутјуб“, таа вели дека додека биле свршени, одела на факултет и работела надвор од домот, но дека со текот на времето сфатила оти нејзиниот сопруг, според Алиса, сака повеќе внимание од неа, па се договориле дека ќе биде домаќинка.
„Договорот беше дека ако не сум добра домаќинка, ќе се вратам на работа“, објаснила идната мајка.
„Воопшто не би рекла дека сум феминистка. Мажите нè сакаат толку многу“, додала таа.
Алиса тогаш рече дека повеќето од домашните работи, како готвење, чистење и перење, сама ги извршува и дека добива 100 евра неделно за трудот.
Таа објасни дека оваа плата ѝ носи повеќе пари отколку што некогаш заработила за време на военат кариера и дека внимателно управува со семејниот буџет.
„Сакам да живеам за да не морам постојано да се грижам за финансиите и да размислувам колку пари имам“, вели таа.
„Секако, има жени на социјалните мрежи што ме мразат. Но, тие се главно над 30 години и сами“, додала Алиса.
Видеото што беше објавено пред неколку дена е прегледано речиси 15.000 пати и е преплавено со коментари од луѓе чии мислења беа поделени.
Многумина разговараа за животите на Алиса и Том. Една корисничка на „Јутјуб“ рече дека 100 евра не се доволни за да се покрие целиот труд што таа го вложува во семејниот дом.
„Прави што сакаш, девојче, но и знај ја својата вредност и не плашете се да го побарате она што го заслужувате, што е повеќе од 400 долари месечно за целата таа работа“, напиша.
Една жена се согласи со коментарот.
„Прекрасно. Би сакала да имам ваков традиционален брак во кој жената е среќна дома додека се грижи за своето семејство“, напиша таа.
Имаше и такви што не го поддржуваа овој начин на живеење.
„Имав врска со дечко кој се обиде со мене, сакаше да му бидам куќна помошничка. Тоа е причината поради која раскинавме”, рекла една девојка.
„Проблемот овде е што зависиш од него, немаш ништо свое. Да се биде независна како жена сепак има своја вредност“, додаде друг корисник.
