Со СДСМ и ДУИ и оваа година ниту еден универзитет од Македонија не е во првите 1.000 на Шангајската листа, образованието тоне, велат од ВМРО-ДПМНЕ.
Истакнуваат дека содека универзитетите од регионот напредуваат на листата најдобри универзитети, од Македонија нема ниту еден универзитет во првите 1.000.
– СДСМ е партијата која ветуваше подобар студентски стандард, подобри услови за студирање, квалитетно образование, студентски град и што ли уште не. Шест години подоцна ништо од тоа што ветуваа не исполнија, напротив и тоа што беше добро и функционираше го упропастија, потенцираат тие.
Во сооптението се нагласува дека младите се повеќе си заминуваат од државата затоа што системот целосно пропаѓа. Потребен е рестарт и нови политики кои ќе донесат промени и резултати.
