Карлос Алкарас ја освои титулата на АТП Мастерсот во Мадрид по долга борба во финалето, каде што ја оправда улогата на фаворит. Во финалната пресметка против Јан-Ленард Штруф, со траење од два ипол часа, Алкарас го победи со резултат 2-1 во сетови (6-4, 3-6, 6-3). Со ова, Шпанецот ја одбрани титулата во Мадрид и стана најмлад играч кој го освоил пехарот на Мастерс од серијата 1000 по Рафаел Надал. Ова е вкупно 10-та титула во кариерата за младиот Шпанец, кој има 29 сезонски победи.
Во женскиот дел, белоруската тенисерка Арина Саболенка ја победи Ига Швјонтек во финалето на турнирот во Мадрид со 6:3, 3:6 и 6:3. Ова е втората победа за Саболенка во Мадрид и петта на Мастерс 1.000, како и нејзина 13-та титула во кариерата, прва по Австралија Опен. Ова беше четврта победа во кариерата на белоруската тенисерка во меѓусебните дуели со првиот рекет во светот Ига Швјонтек.
