Пожари во средата го опколија градот Лос Анџелес во сојузната држава Калифорнија во Соединетите Американски Држави.
Убија најмалку пет лица, уништија стотици домови, а на повеќе од 100.000 луѓе им беше наредено да се евакуираат. Шест одделни пожари горат во округот Лос Анџелес, а според државните власти, сите се надвор од контрола, вклучително и два пожари кои го зафатија градот.
Објавени се и сателитски снимки кои покажуваат неверојатни размери на пожарот.
На западната страна, пожарот на Пацификот Палисадес проголта 6.406 хектари и 1.000 објекти за шест часа во ридовите помеѓу Санта Моника и Малибу, напредувајќи надолу во кањонот Топанга додека не стигна до природната бариера, Тихиот Океан. Тоа е еден од најразорните пожари во историјата на Лос Анџелес.
На исток, во подножјето на планините Сан Габриел, пожар изгоре над 4.289 хектари и загинаа најмалку пет лица.
Пожар во Холивуд Хилс избувна во средата навечер и изгоре 20 хектари.
Метеоролошката агенција AccuWeather ја процени првичната штета и економската загуба на повеќе од 50 милијарди долари.
