Последните два дена нема информации за нови дојави за бомби во училишта откако почна примената на новите насоки за постапување во случај на дојава. МВР објаснува дека ќе ја информира јавноста само доколку се појават реални закани, а не лажни дојави. Психологот Соња Угриновска објаснува дека дојавите за опасност по животот создаваат интензивно чувство на страв и неизвесност кај луѓето, и бара од нив да создадат услови за заштита. Училиштата имаат предизвик да ги вратат децата кај своите родители, наставниците се соочуваат со непријатна ситуација, а родителите се под секојдневен притисок. Децата може да искусат страв и отпор да одат во училиште, губење на интересот за училишните обврски и симптоматологија на однесувањето. Угриновска предлага училишните психолози да ги примат учениците на разговор доколку приметат поразлично однесување и емоции.
Стрес, страв, паника – кои се последиците со кои децата ќе се соочат од дојавите за бомби?!
