Извршниот одбор на СДСМ синоќа ги сподели имињата на 19 кандидати за градоначалници за претстојните локални избори. Како што соопшти партискиот лидер Венко Филипче, за општина Центар кандидат е актуелниот градоначалник Горан Герасимовски, за Аеродром д-р Александар Трајановски, за Ѓорче Петров – Костадин Ацевски – претседателот на ОО на СДСМ, за Крива Паланка – актуелниот градоначалник Сашко Митовски.
Утврдени се кандидати и за Чучер Сандево, Берово, Лозово, Чешиново Облешево, Богданци, Дојран, Могила, Неготино, Крушево…
„Кандидатите се избрани врз основа на најавените принципи, со прилично широк консензус во општинските организации, луѓе кои имаат кредибилитет и легитимитет да ја побараат довербата – некои првпат, некои повторно“, рече Филипче.
Тој најави дека во наредните недели ќе ги објават имињата на кандидатите и за останатите општини.
