Русија постигна договор со соседна Белорусија за распоредување на тактичко нуклеарно оружје на нејзина територија, изјави рускиот претседател Владимир Путин.
Ваквиот потег нема да ги прекрши обврските од договорот СТАРТ за неширење на нуклеарно оружје, рече Путин и додаде дека САД стационирале нуклеарно оружје на територијата на европските сојузници, јавува ТАС С, а пренесе Ројтерс.
Русија ќе одговори на употребата на муниција со осиромашен ураниум, рече Путин.
Русија има со што да одговори на овој тип муниција, посочи тој, пренесе Спутник.
„Русија има многу такво оружје, но досега не го користеше“, рече тој, додавајќи дека оние што користат таква муниција ќе ја користат против сопствениот народ. Конфликтот во Украина ќе се продолжи само со испорака на оружје од Запад, истакна Путин, пренесува РИА Новости.
Како што рече претседателот на Русија, таа земја нема да дозволи претерана милитаризација на економијата. Тој исто така рече дека со ограничувањето на употребата на долари, САД ја сече гранката на која седи.
