Најмалку десет лица загинаа во поројните поплави во провинциите Шанлиурфи и Адијаман во југоисточна Турција, објави денеска новинската агенција Анадолу.
Провинциите, каде живеат 2,7 милиони луѓе, беа погодени минатиот месец од катастрофален земјотрес во кој загинаа 48.000 луѓе, а милиони се раселени низ Турција.
Оттогаш, илјадници луѓе живеат во шатори и контејнери кои беа делумно поплавени.
Пороите однесоа автомобили и шут, ги поплавија подрумите на куќите и зградите и ги претворија патиштата во реки, како што може да се види од видеата објавени на социјалните мрежи.
Спасувачите со чамци и нуркачи се обидуваат да стигнат до жртвите, соопшти агенцијата за вонредни состојби АФАД.
Во последните 24 часа наврнале повеќе од 100 милиметри дожд на метар квадратен.
