Повеќето жители на Летонија денеска биле затекнати од веста дека е неработен ден т.е. 29.05.2023 е прогласен за Државен празник. Имено на итна седница на националниот парламент, одржана во неделата вечер, донесена е одлука: понеделник 29.05.2023 е прогласен за национален празник. Ова решение е донесено откако репрезентацијата на Летонија во хокеј на мраз освои бронзен медал на Светското првенство. Ова е првата мундијалска медаља за Летонија во овој спорт, кој важи за национален спорт во земјата.
Летонија, заедно со Финска, беше домаќин на Светското првенство, а вчера тие успеаја да го победат тимот на САД во натпреварот за третото место. Оваа победа беше славена низ целата држава.
Потоа, летонскиот парламент одржа вонредна седница, каде што пратениците, облечени во дресови на хокеарската репрезентација, едногласно го прогласија понеделник за неработен ден. Оваа одлука беше донесена со цел да се засили значењето на успехот во социјалната меморија на општеството.
На крајот, одлучено е дека судовите и факултетите нема да работат, но испитите во средните училишта нема да бидат откажани. Исто така, вработените во овие установи ќе добијат дополнителна плата за денешниот работен ден. Болниците одлучија да ги примат пациентите и да ги испочитуваат претходно закажаните термини.
