Украинските сили користат оружје и муниција на НАТО, што сведочи за вмешаноста на алијансата во руско-украинскиот конфликт, изјави портпаролот на Кремљ, Дмитриј Песков.
„Тоа го докажува куршумот на Алијансата, кој беше изваден од телото на момчето Фјодор, кое беше повредено во неодамнешниот терористички напад во областа Брјанск“, рече портпаролот на Кремљ.
„Клучно е од чија рака е испукан куршумот. Ова не е ништо друго туку терористички напад“, нагласи Песков.
Во петокот рускиот претседател Владимир Путин одржа затворен состанок во регионот Брјанск, на кој, според Песков, се разговарало за обезбедување на безбедноста на стратешките објекти, инфраструктурата и ситуацијата во Брјанск.
„Ќе бидат преземени одредени чекори за да се спречат слични акции во иднина“, рече портпаролот на Кремљ.
На 2 март, рускиот волонтерски корпус под контрола на Службата за безбедност на Украина (СБУ) изврши инвазија на руска територија во областа Брјанск во Русија, каде група украински диверзанти извршија терористички напад.
Диверзантите пукале во автомобилот при што убиле двајца возрасни, а раниле десетгодишно дете кое било пренесено во болница и не е во животна опасност, соопшти гувернерот на регионот Александар Богомаз. Рускиот претседател Владимир Путин изјави дека во Брајанск се случил терористички напад.
„Отворија оган кога видоа дека во возилото има деца. Ова злосторство го извршија неонацистите и нивните господари. Сигурен сум дека истите тие господари брзо ќе го заборават денешниот злостор. Но, повторно повторувам: нема да успеат – ќе ги скршиме“, рече Путин за време на своето обраќање пред учесниците во едукативната програма „Училиште на наставници“.
