Вицепремиерот на Северна Македонија, Бојан Маричиќ, на својот профил на Фејсбук го истакна значењето на енергетската ефикасност за заштита на животната средина и заштедени финансии. Тој наведуве дека Македонија може да осигура услови за добар живот и деловен развој со помала потрошувачка на енергија.
Сите домаќинства, сите институции, сите компании, сите ние можеме да ги обезбедиме условите за добар живот и за сè што е потребно за деловен развој и со доста помала потрошувачка на енергија. Енергетската ефикасност штеди енергија, но суштината е подлабока бидејќи крајниот исход е заштитена животна средина, заштедени финансии и свесни и одговорни генерации, напиша на својот профил на Фејсбук, вицепремиерот Бојан Маричиќ.
Вицепремиерот истакна дека ЕУ покажала исклучива одговорност во заштита на населението од кризата предизвикана од руската војна врз Украина.
“Со креирањето на заедничката европска енергетска политика и со вклучувањето на нашиот регион и нашата држава во неа, ЕУ покажа исклучива одговорност во заштита на населението од кризата предизвикана од руската војна врз Украина”, истакна Маричиќ.
Владата на Северна Македонија, преку Социјалната и Економската Предвидливост (СЕП), аплицира за инвестициски грантови за инвестирање во обновливи извори на енергија и за зголемување на енергетската ефикасност во објекти во сопственост на Владата на Република Северна Македонија. Тие грантови се за инвестиции за енергетска ефикасност во 18 здравствени објекти и за зајакнување на мрежата за дистрибуција на струја во југоисточниот дел на државата.
“СЕП, како единствена институција која може да аплицира проекти во име на државата во Инвестициската рамка за Западен Балкан, интензивно работи со институциите на апликации и на последниот, осмиот повик, аплициравме за следните два инвестициски грантови од областа на енергетиката и тоа:
Инвестиции за енергетска ефикасности во објекти во соптевеност на Владата на Република Северна Македонија. Грант во износ од 2.5 милиони за интесвенирање и зголемување на енергетска ефикасност на 18 здравствени објекти, со вкупна инвестиција 27,5 милиони евра.
Зајакнување на мрежата за дистрибуција на струја во југоисточниот дел на државата. Грантот од околу 8 милиони евра ќе овозможи приклучок на мрежата за струја произведена од обновливи извори на енергија од хидроцентрали, соларни централи, ветерници и со тоа се зголеми независнота на земјата за производство на соптевена струја. Вкупната инвестиција е 34,4 милиони евра”, истакна Маричиќ.
“Инвестираме за сигурна енергетска иднина, но потребна е и енергетска одговорност од секој од нас. Тоа е мојата порака на Денот на енергетска ефикасност, 5 март”, порача Маричиќ.
