Со знак „нема мир без правда за Украина“ зад себе, претседателот на Украина, Володомир Зеленски го започнува говорот пред судот во Хаг, пренесува „Би-Би-Си“.
Зборувајќи на англиски, тој изрази благодарност за „луѓето кои ја ценат слободата и не толерираат тиранија“.
„Сите сакаме да видиме поинаков Владимир овде. Оној кој заслужува да биде осуден за криминални дејствија во главниот град на меѓународното право. Сигурен сум дека ќе видиме дека ќе се случи кога ќе победиме“, изјави Зеленски.
Зеленски вели дека во оваа војна е загрозена повеќе од судбината на една земја, додавајќи дека „не можеме да ги запреме агресивните војни, но можеме да ја победиме агресијата како криминална идеја што потекнува од умот на некој што е навикнат на неказнивост“.
„Ако ја погледнете секоја агресивна војна, сите тие имаат едно нешто заедничко – сторителот на војната не верувал дека ќе мора да одговараат за она што го направиле“.
Тој вели дека војната се добива со „сила на оружјето“ и се заблагодарува на Холандија што и испорачува оружје на Украина.
„Трајниот мир по победата се постигнува со ништо друго освен со силата на вредностите“, додава тој. Тој го опишува актуелниот конфликт во Украина како „војна што не ја сакавме, онаа што треба да ја направиме последна – и ќе ја направиме“. Зеленски го заврши говорот со „слава на Украина“.
