Претседателот на Србија, Александар Вучиќ, вчера изјави дека и покрај тоа што во Владата на Србија има добри кадри, понекогаш поради различни позиции за исти прашања, таа делува како „темпиран оркестар“ и дека тоа или ќе доведе до реконструкција на Владата или нови избори.
„Она на што се противам, а и кажав и на Ана Брнабиќ е дека ми се чини дека понекогаш Владата и покрај тоа што има добри луѓе функционира како голем оркестар“, рече претседателот на Србија за време на гостувањето на ТВ Хепи. Тој додаде дека ставовите на министерот се различни не само кога станува збор за воведување санкции против Русија, туку и дека има некои други несогласувања.
„Тоа се работи кои ќе мора да ги промениме. Ќе видиме како ќе го решиме, дали ќе одиме на избори. Секогаш се среќавам и со политички противници. Сакате избори? Немам проблем. Ќе добиете. Само кажете“, рече Вучиќ и оцени дека „шест месеци во историска смисла не се долг период, пренесува Танјуг.
Тој посочи дека секогаш ќе има почит кон политичките противници и оние кои размислуваат поинаку и „по никоја цена нема да ја заштитат фотелјата“.
„Мислам дека тоа е почит кон оние кои мислат поинаку. Не сакам да бидам како Бојан Пајтиќ, човекот кој ја задржа фотелјата со четири проценти до последниот ден“, изјави Вучиќ.
Тој изјави дека опозициските политичари не ги интересира француско-германскиот план за нормализирање на односите меѓу Белград и Приштина, туку единствено што ги интересира е како да го нападнат.
Како што денеска не ги интересираше дали ќе имаме полицајци, наставници и психолози, единствено што ги интересираше беше да кажат „Вучиќ, ќе ти ја скинеме главата“, рече Вучиќ.
Вучиќ рече дека ќе биде претседател се додека му трае мандатот.
Создавањето движење е многу добро за да се добијат нови луѓе кои не сакаат да се приклучуваат на партии, туку сакаат да учествуваат во создавањето на модерна Србија, изјави српскиот претседател Александар Вучиќ на телевизија Хепи.
На прашањето какви промени најавува во партијата за 27 мај, Вучиќ рече дека најавува „натамошно подмладување, натамошен напредок на партијата“.
„Таа партија е основната партија на српскиот народ и граѓаните на Србија, како ХДЗ во Хрватска, како социјалистите во Романија, како ГЕРБ во Бугарија или ЦДУ во Германија“, нагласи Вучиќ.
Тој додаде дека СНС е основната партија на народот, која секогаш ќе биде партија на долната средна и средна класа, а понекогаш и на високата средна класа.
СНС може да изгуби кога сите ќе се обединат, едни избори, наредните пак ќе победи и така ќе биде и во иднина“, рече Вучиќ.
