Градоначалникот на Општина Аеродром, Тимчо Муцунски, информира дека во текот на следната недела ќе започне изградбата на нов парк во близина на трговскиот центар “Лиса” во Ново Лисиче. Ова е реализација на најавените планови минатата година, кога Општина Аеродром избриша две градежни маркички предвидени за изградба на станбени и деловни објекти и ги пренамени во зелени површини.
Паркот ќе биде изграден на површина од 5700 квадратни метри и ќе биде финансиран со средства од буџетот на Општина Аеродром, во партнерство со компании кои се грижат за животната средина. Градоначалникот посочи дека овој парк е уште еден важен проект во унапредувањето на урбаното живеење и давањето придонес за чиста и здрава животна средина. Ова е прв парк од овој вид во Општина Аеродром и го насочува градот кон уште по здрав и еколошки одржлив начин на живеење.
